Përdorimi i telefonit gjatë ngasjes vazhdon të mbetet një nga shkaqet kryesore të aksidenteve rrugore.

Gjatë muajit dhjetor 2025, Policia Rajonale e Ferizajt ka shqiptuar gjithsej 268 gjoba ndaj shoferëve që janë kapur duke përdorur telefonin gjatë drejtimit të automjetit.

Sipas policisë, kjo shkelje përbën rrezik serioz jo vetëm për drejtuesit e mjeteve, por edhe për të gjithë pjesëmarrësit e tjerë në trafik.

“Përdorimi i telefonit gjatë ngasjes vazhdon të jetë një nga shkaqet kryesore të aksidenteve rrugore. Gjatë muajit dhjetor 2025, Policia Rajonale e Ferizajt ka shqiptuar gjithsej 268 gjoba ndaj shoferëve që kanë shkelur këtë rregull, duke rrezikuar sigurinë e tyre dhe të pjesëmarrësve të tjerë në komunikacion. Policia Rajonale e Ferizajt apelon tek të gjithë pjesëmarrësit në trafik që të përqendrohen plotësisht në drejtimin e automjetit dhe të shmangin çdo lloj shpërqendrimi, pasi edhe një sekondë pakujdesie të përdorimit të telefonit mund të ketë pasoja serioze për jetën e njerëzve”, thuhet në njoftim./Arbresh.info